Verðlaun veitt í Ratleiknum

Á mánudaginn voru úrslit kunngjörð í Ratleik Hafnar­fjarð­ar sem nú fór fram í 13. skipti. Engin leið er að átta sig á fjölda þátttakenda en þátttakendur segja að ef marka má á fót­sporum og fl. þá hafi mun fleiri tekið þátt nú en á síðasta ári. Þátttakendur voru á öllum aldri og ein fjölskylda, allt frá langafa og langömmu til barnabarnabarns skilaði inn úrslausnum og var svo heppin að vera dregin út.
Þrautakóngur, sá sem finnur öll 27 merkin og er svo heppinn að vera dreginn út var Ásta Sveinbjörnsdóttir og fékk hún að launum árskort frá Hress. Val­gerður Hróðmarsdóttir var Göngu­­­garpur, fann 18 merki og fékk Scarpa gönguskó frá Fjalla­kofanum að launum. Margrét Sól Torfadóttir úr Grafar­vog­inum var svo Léttfeti fann 9 merki og fékk hún  Polar púls­mæli frá Altis að launum.
Þrír heppnir þátttakendur voru dregnir út, Ragnar Örn Einarsson fékk vandað höfuðljós frá Fjallakofanum, Guðrún Jóna Guðlaugsdóttir fékk Íslandskort í GPS tæki frá Samsýn og Einar Th. Jónsson fékk hádegis­verðarboð frá Café Aroma.

Athugasemdir

[Anna Jóna Kristjánsdóttir (IP-tala skráð) 29.10.2008 kl. 10:45]

Heill og sæll.

Mig langaði bara til að taka það fram að við erum langamma og langafi  Margrétar Sólar og tókum þátt í leiknum ásamt barnabarni okkar og fjórum börnum hennar. 

með kveðju

Anna Jóna og Haraldur

[Guðmundur Gunnarsson (IP-tala skráð) 23.11.2008 kl. 19:07]

Sæll Guðni.

Hvað skiluðu margir inn lausnum í hverjum flokki fyrir sig í Léttfeta, göngugarpi og þrautakóngi?

Mbk,

Guðmnundur Gunnarsson

[Hönnunarhúsið ehf. , 24.11.2008 kl. 00:14]

Ég er ekki með þær tölur við hendina. Hafðu samband í vikunni í síma 5654513