22. Urðarás

Urðarás varð væntanlega til þegar neðanjarðar hraunrás stíflaðist og braut sér leið upp á yfirborðið vegna ógnarþrýstings. Þegar rásin tæmdist féll þakið niður í rásina og myndaði brothring með grjóturð. Oft eru stórir hellar tengdir slíkum jarðfræðifyrirbærum en á þessum slóðum hafa einungist fundist  smáhellar. 

23. Löngubrekkugjá

Löngubrekkugjá nefnist sprungubeltið suðaustarlega í Smalaskálahæð, sem er nánast samsíða Alfaraleiðinni milli Suðurnesja og Innnesja. Þessi sprunga er einnig þekkt sem Hrafnagjá enda má finna þar yfirgefna hrafnslaupa á klettasyllum. Skammt frá gjánni er Óttarsstaðafjárborg, sem var oftast kölluð Kristrúnarfjárborg.

24. Rauðamelstjörn

Rauðmalarhólar myndast þegar hraun renna út í stöðuvötn eða mýrlendi. Allir rauðhólar í nágrenni byggðarinnar eru horfnir því mölin var notuð í húsbyggingar og vegagerð. Á þessum stað voru Stóri- og Litli-Rauðamelur sem hurfu vegna námuvinnslu og eftir stendur djúpt ker með grunnvatni sem myndar tjörn.

25. Katlar

Katlar nefnast jarðföll eða gjótur sem eru í suðurjaðri Draughólshrauns, rétt norðan við Jónshöfða og Straumsselshöfða. Straumsselsgatan liggur þétt við Katlana þar sem hún liggur sniðhalt í áttina að Straumsselhöfða. Gróðursælt er í Kötlum og stingur umhverfið nokkuð í stúf við mosavaxið Draughólshraunið.

26. Hellan við Efrihella

Hellan var fyrrum kölluð Gráhella og er áberandi klettur í vesturbrún Kapelluhrauns. Skammt vestan drangsins eru Efrihellar í slétttu helluhrauni sem fræðimenn kalla Selhraun 3, en heimamenn nefndu Gráhelluhraun. Vera má að þetta sé vestasti hluti Búrfellshrauns sem hefur að mestu horfið undir yngri hraunfláka. 

27. Dulatjarnir

Dulatjarnir við Dulakletta eru spölkorn vestan við Réttarkletta.
Þar eru merkilegar ferskvatnstjarnir og gætir flóðs og fjöru í þeim sem er einkenni tjarna sömu gerðar í Hraunum. Grastó á einum klettinum nefndist Dula og var sérstakt fiskimið sem sjómenn treystu á er þeir voru á veiðum á Lónakotsdjúpi.   

Ratleikurinn verður í ár!

Ratleikur Hafnarfjarðar verður haldinn í ár þrátt fyrir niðurskurð.Þetta varð ljóst í dag þegar Rio Tinto Alcan staðfesti að fyrirtækið verður aðalstyrktaraðili Ratleiksins í ár.Hönnunarhúsið ehf. mun eins og undanfarin ár vinna leikinn og gefa út fyrir Hafnarfjarðarbæ.Fylgist með á Facebook síðu leiksins http://www.facebook.com/ratleikur  

Vinningshafar í Ratleik Hafnarfjarðar 2010

Uppskeruhátíð Ratleiks Hafnarfjarðar 2010 var haldin í Bæjarbíói í dag. Góð þáttaka var og fóru 15 með vinninga heim en allir fróðari um Ratleikinn og hleðslur í umhverfinu eftir fyrirlestur Jónatans Garðarssonar og fyrirlestur Þorbjargar Guðbrandsdóttur, þátttakanda í ratleiknum sem á skemmtilegan hátt sagði frá þátttöku sinni og vinum sínum.   Gunnar Axel Axelsson, formaður menningar- og ferðamálanefndar flutti ávarp og lýsti ánægju sinni með leikinn sem nú væri boðinn bæjarbúum og öðrum í 14. sinn.

Bæjarstóri, Guðmundur Rúnar Árnason afhenti vinningana ásamt Guðna Gíslasyni hjá Hönnunarhúsinu sem sér um framleiðslu og framkvæmd leiksins.

 

 Vinningshafar ásamt bæjarstjóra í Bæjarbíói. Ljósm. GG

Þrautakóngur - Verðlaun: Árskort í Hress að verðmæti 58.990,-

 Svavar Ellertsson, Blikaási 18

   2. sæti - Verðlaun: 6 mánaða kort í sundlaugar Hafnarfjarðar að verðmæti kr. 8.900,-

Arndís Ásgrímsdóttir, Suðurhvammi 18 

   3. sæti - Verðlaun: Göngustafir og sokkar frá Músik & sport að verðmæti kr. 9.850,- 

 Viggó Örn Guðbjartsson, Suðurhvammi 7

Göngugarpur- Verðlaun: 6 mánaða kort í Hress að verðmæti kr. 39.990,-

Gísli Guðnason, Bolzano Ítalíu

   2. sæti - Verðlaun: Polar F4 kaloríuúr frá Altis að verðmæti kr. 15.900,-

Borghildur F. Kristjánsdóttir, Grasarima 10, Reykjavík

   3. sæti - Verðlaun: 6 mánaða kort í sundlauga Hafnarfjarðar að verðmæti kr. 8.900,-

Viktoría Ósk Einarsdóttir, Dvergholti 7

Léttfeti- Verðlaun: Scarpa Nangpa-la gönguskór frá Fjallakofanum að verðmæti kr. 32.995,-

Magnea Erna Auðunsdóttir, Sólvangsvegi 1 

   2. sæti - Verðlaun: 6 mánaða kort í Hress að verðmæti kr. 39.990,- 

Jóhann Ingibergsson, Blikahjalla 1, Kópavogi

   3. sæti - Verðlaun: 6 mánaða kort í sundlaugar Hafnarfjarðar að verðmæti kr. 8.900,-

Elísabet Kjartansdóttir, Sléttahrauni 32 

Heppnir þátttakendur:

Bryndís Hanna Hreinsdóttir, Víðibergi 7 - Súpa og aðalréttur í Fjörunni

Eygló Sófusdóttir, Efstuhlíð 13 - Súpa og aðalréttur í Fjörunni

Marta Þórðardóttir, Lambaseli 4, Reykjavík - Hundrað, myndabók frá Hafnarfjarðarbæ

Elí Sigursteinn Þorsteinsson, Sléttahrauni 32 - Hundarð, myndabók frá Hafnarfjarðarbæ

Hallgrímur Atlason, Erluási 4 - Hundrað, myndbók frá Hafnarfjarðarbæ

Árni Pálsson, Furuvöllum 29- Göngustafir og sokkar frá Músik & sport. 

Þakkir eru færðir til styrktaraðila leiksins:

RioTintoAlca - aðalstyrktaraðili leiksins

Altis, Bæjarhrauni 8

Fjallakofinn, Reykjavíkurvegi 64

Fjarðarpósturinn, Bæjarhrauni 2

Fjörukráin v/ Víkingastræti 

Hress, Dalshrauni og Ásvallalaug

Músik & sport Reykjavíkurvegi  60

Aðrir styrktaraðilar:

Aðalskoðun, Helluhrauni 1

Gámaþjónustan, Hafnarfirði

Skógræktarstöðin Þöll, v/ Kaldárselsstíg 

Framleiðandi og rekstur leiksins:

Hönnunarhúsið ehf., Bæjarhrauni 2 

Útgefandi:

Hafnarfjarðarbær.

Sérstakar þakkir til:

Jónatans Garðarssonar

Ómars Smára Ármannssonar

Kristjönu Þórdísar Ásgeirsdóttur

Þátttakenda Ratleiksins og allra annarra sem komu að gerð og framkvæmd leiksins.

 

 

 

 

Lokahátíð Ratleiks Hafnarfjarðar 2010

Lokahátíð Ratleiks Hafnarfjarðar 2010 verður í Bæjarbíói miðvikudaginn 20. október kl. 18-19.

Fróðleikur - Myndasýning - Verðlaunaafhending.

Laufléttar veitingar.

Allir velkomnir.

Ratleiknum lokið - Flott þátttaka í sumar!

Það var frábær þátttaka í Ratleiknum í sumar. 170 lausnum skilað inn og 60 af þeim kláruðu Þrautakónginn!!

Fjölmargir skila ekki (því miður) og fjölmargir hafa ekki náð 9 punktum. Því má búast við að fleiri hundruð manns hafi verið á ferðinni í sumar í upplandi Hafnarfjarðar í Ratleik.

Fimmtán vinningshafar fá brátt tilkynningu. Afhending vinninga verður kynnt næstu daga.

Framlenging í Ratleiknum!

Þar sem veðurspá er þokkaleg fyrir helgina hefur verið ákveðið að framlengja Ratleik Hafnarfjarðar til mánudagsins.

Mánudaginn 27. september kl. 17 lýkur fresti til að skila inn lausnarblöðum í Ratleiknum.

Lausnarblöðum sem send eru í pósti verða tekin gild ef þau eru póststimpluð í síðasta lagi á mánudag.

Þátttaka í leiknum hefur verið mjög góð í sumar og fjölmörg góð viðbrögð borist og margir að taka þátt í fyrsta sinn. Þátttakendur sem fundið hafa 9 ratleiksmerki eða fleiri eru hvattir til að skila inn og eru fjölmargir vinningar í boði.

Skilafrestur er 24. september 2010

Það er ljóst að mikil þátttaka hefur verið í Ratleiknum í sumar og margir sem hafa fundið flesta eða alla staðina.

Allir eru hvattir til að skila inn lausnum og vera með í útdrætti um vinninga.

Skila skal lausnarblöðunum í þjónustuver Hafnarfjarðarbæjar í síðasta lagi föstudaginn 24. september.

Hvar má nálgast ratleikskortin?

Ratleikskortin má fá á eftirfarandi stöðum:

 

• Bókasafni Hafnarfjarðar 
• Ráðhúsinu 
• sundstöðum 
• Skógræktarfélaginu 
• Fjallakofanum 
• Altis 
• bensínstöðvum N1 
• Aðalskoðun 
• Hress

 

Vandað útivistarkort sem gott er að eiga.Mundu líka http://facebook.com/ratleikur

Ratleikurinn hafinn

Guðmundur Rúnar Árnason, forseti bæjarstjórnar fékk afhent fyrsta ratleikskortið og með því var ratleikurinn formlega settur af stað. Eftir smáhnökra í bókbandi komu kortin í hús um kl. 16 en þeir sem mættu í mótttökuna fengu vandlega handbrotin kort! Hann þakkaði þeim sem stóðu að gerð leiksins, nú og í gegnum árin en sagðist verða að viðurkenna að hann hafi aldrei tekið þátt í leiknum en sagði að hleðslurnar vekti áhuga sinn og nú færi hann örugglega af stað.Gestum var boðið upp á hafnfirskt vatn í flöskum í boði hafnfirska félagsins Nordic Water.

 

16 Smalaskálaskúti - ATH

Ath. Merki nr. 16 er ekki alveg rétt staðsett á kortinu. Það á að vera um 350 m í NA frá merkinu, nær Jakobsvörðu.

Vinningar í Ratleik Hafnarfjarðar 2010

Léttfeti:
Vandaðir Scarpa Nangpa-la gönguskór  frá Fjallakofanum að verðmæti 32.995,- kr.
Aukaverðlaun: 6 mánaða kort í líkamsrækt í Hress að verðmæti 39.990 kr.
6 mánaða kort í sundlaugar Hafnarfjarðar að verðmæti 8.900 kr.

Göngugarpur:
6 mánaða kort í líkamsrækt í Hress að verðmæti 39.990 kr.

Aukaverðlaun:
Polar F4 kalor­íu­úr frá Altis að verðmæti 15.900 kr.
6 mánaða kort í sundlaugar Hafnarfjarðar að verðmæti 8.900 kr.

Þrautakóngur:
Árskort í líkamsrækt í Hress að verðmæti 58.990 kr.

Aukaverðlaun:
6 mánaða kort í sundlaugar Hafnarfjarðar að verðmæti 8.900 kr.
Göngustafir og göngusokkar frá Músik og sport að verðmæti 9.850 kr.

Útdráttarverðlaun:
Úr öllum innsendum lausnum verða dregin út aukaverðlaun:

• 2 x Súpa og aðalréttur í Fjörunni fyrir tvo að verðmæti 3.000 kr.
• 3 x Hundrað, hafnfirsk myndabrot eftir Björn Pétursson og Steinunni Þorsteinsdóttur að verðgildi 3.500 kr.
• Göngustafir og göngusokkar frá Músik og sport að verðmæti 9.850 kr.

1 Skotbyrgi á Mógrafarhæð

Mógrafarhæð nefnist öxlin sem geng­ur suðaustur frá hábungu Ásfjalls í áttina að Blá­berjahrygg. Austarlega í hæðinni er skotbyrgi sem breskir hermenn hlóðu sumarið 1940. Þeir stóðu vaktina með rifla en þar var einnig gervi­fallbyssa úr gildum trjálurk sem leit út eins og fallstykki úr lofti.

2 Grjótvirki á Hádegisholt

Hlaðið grjótvirki sem stendur nálægt efsta hluta Hádegisholts, en hæðin var einnig nefnd Flóðahjalli. Skotbyrgið hlóðu breskir hermenn úr 1/7 herfylki Wellingtons vorið 1940. Það er um 800 m² að stærð og víða hefur hrunið úr veggjum þess, sem voru rúmlega 1 m háir.

3 Stekkur við Stekkjartún

Fallega hlaðnir veggir af smáhýsi  eða stekk við Stekkjartúnið. Suðvestan við klett sem tóftin stend­ur hjá er einföld kvíahleðsla sem er nánast vall­gróin. Hraunhóllinn Einbúi er skammt frá hleðslunum og norðaustan þeirra er allnokkur furutrjálundur í Flatahrauni.

4 Beitarhús nærri Selgjá

Veggir af fornu beitarhúsi í landi Urriðakots sem hlaðið var til skjóls fyrir útigangsfé og senni­lega smalann líka. Ekki er vitað um aldur hússins sem er ekki lengur reft og standa veggirnir einir eftir, ásamt sér­kennilegri hleðslu á milli hraunkletta með einskonar glugga sem snýr  í austurátt.