25 Óttarstaðaselshellar

Fjárskútar eru við flest selin í Almenningi og fyrir bragðið þurfti ekki að byggja þar beitarhús. Vestan Óttarsstaðasels er hraunhryggur og í honum er ágætur fjárskúti sem rúmaði fjölda fjár. Annar skúti er suður af selinu og átti hvor Óttarsstaðabóndi sinn fjárskúta þegar þar var tvíbýlt.

26 Fjallgrensbalar

Nokkuð sunnan frá Fjallgrensbalavörðu er hlaðið skotbyrgi þar sem refaskyttur gátu legið fyrir bráð sinni. Fjallgrenið er nærri byrginu og þegar melrakkinn kom út úr greninu til að afla matar fyrir hungraða yrðlinga sína var skyttan í góðri aðstöðu til að vinna dýrið og hreinsa grenið.  

27 Búðarvatnsstæði

Búðarvatnsstæðið virðist vera mótað af manna höndum og þar er staðið regnvatn sem er varla drykkjarhæft nema í hallæri. Um mitt vatnsstæðið liggur hleðsla sauðfjárveikivarnagirðingar sem markaði landaskil milli Óttarsstaða og Hvassahrauns, og þar með á milli Hafnarfjarðar og Voga.  Vatnsstæðið er rétt undir háum hraunkanti.

Ratleikurinn hefst á föstudaginn kl. 15.30

Ratleikur Hafnarfjarðar fer nú af stað í 14. sinn.

Þema leiksins er hleðslur og á öllum punktunum 27 eru hleðslur af mannavöldum. Farið á staðina og reynið að ímynda ykkur hvernig búskaparhættir voru hér áður fyrr.

Kortið er frítt og má fá í Þjónustuveri Hafnarfjarðar, á sundstöðum og bensínstöðvum.

Leikurinn stendur til 21. september 2010. Fjölbreyttir vinningar í boði.

Ratleikurinn 2010 hefst í byrjun júní.

Hafnarfjarðarbær hefur samið við Hönnunarhúsið ehf. um gerð og umsjón Ratleiksins í sumar. Í samstarfi við Jónatan Garðarsson hefur þema verið valið og er það HLEÐSLUR.

Vinnsla ratleiksins er í fullum gangi og markmiðið er að hann verði formlega settur eigi síðar en 10. júní.

Enginn ratleikur í ár

Hafnarfjarðarbær stendur ekki fyrir ratleik í ár. Engin formleg ákvörðun hefur borist frá Hafnarfjarðarbæ en líklega er niðurskurður ástæða þess þó upphæðirnar sem Hafnarfjarðarbær þarf að greiða séu alls eki háar.

Fjölmargir hafa harmað þessa ákvörðun og ætli Hafnarfjarðarbær ekki að standa að honum á næsta ári verður ratleikurinn haldinn með öðrum aðferðum.

Verðlaun veitt í Ratleiknum

Á mánudaginn voru úrslit kunngjörð í Ratleik Hafnar­fjarð­ar sem nú fór fram í 13. skipti. Engin leið er að átta sig á fjölda þátttakenda en þátttakendur segja að ef marka má á fót­sporum og fl. þá hafi mun fleiri tekið þátt nú en á síðasta ári. Þátttakendur voru á öllum aldri og ein fjölskylda, allt frá langafa og langömmu til barnabarnabarns skilaði inn úrslausnum og var svo heppin að vera dregin út.
Þrautakóngur, sá sem finnur öll 27 merkin og er svo heppinn að vera dreginn út var Ásta Sveinbjörnsdóttir og fékk hún að launum árskort frá Hress. Val­gerður Hróðmarsdóttir var Göngu­­­garpur, fann 18 merki og fékk Scarpa gönguskó frá Fjalla­kofanum að launum. Margrét Sól Torfadóttir úr Grafar­vog­inum var svo Léttfeti fann 9 merki og fékk hún  Polar púls­mæli frá Altis að launum.
Þrír heppnir þátttakendur voru dregnir út, Ragnar Örn Einarsson fékk vandað höfuðljós frá Fjallakofanum, Guðrún Jóna Guðlaugsdóttir fékk Íslandskort í GPS tæki frá Samsýn og Einar Th. Jónsson fékk hádegis­verðarboð frá Café Aroma.

Viðurkenningar veittar 27. október kl. 17

Dregið hefur verið úr innsendum lausnum í Ratleik Hafnarfjarðar. Verða viðurkenningar afhentar í þjónustuveri Hafnarfjarðarbæjar í Ráðhúsinu á morgun, mánudag kl. 17. Þátttakendum er velkomið að vera þar viðstaddir.

Ratleikurinn stendur til 21. september - ert þú búin(n) að skila inn?

Ratleikur Hafnarfjarðar sem í ár byggir á ratleikskorti með myndagrunni stendur nú sem hæst og þátttakendur eru þegar farnir að skila inn lausnum en skila má í síðasta lagi 21. september 2008.

Staðirnir eru 27 í ár, 9 í Léttfeta, 18 í Göngugarpi og 27 í Þrautakóngi. Hægt er að skila inn lausnum með einhverjum 9 af punktunum, einhverjum 18 af punktunum eða öllum.

Vinningar eru veglegir og er dregið úr réttum innsendum lausnum:

• Léttfeti: Polar púlsmælirRS200sd, S1 m/ klukku, hraðamæli o.fl. Verðmæti kr. 26.500,-
• Göngugarpur: Vandaðir Scarpa Ladakh eða Hekla leðurgönguskórmeð Goretex - frá Fjallakofanum. Verðmæti: kr. 29.995,-
• Þrautakóngur: Árskort í Hressheilsurækt. Verðmæti kr. 44.900,-

Úrdráttarvinningar: (dregið úr öllum innsendum réttum lausnum)

• Matur fyrir fjóraá Stokrotka
• Íslandskortí Garmin GPS tæki frá Samsýun
• Hádegisverður fyrir allt að 6 mannsí Café Aroma

Nú er tilvalinn tími til að nýta úlpurnar sem hangið hafa í skápnum í góða veðrinu í sumar og leita að ratleiksmerkjum og tína gómsæt ber í leiðinni.

Vinsamlegast færið ekki merkin

Það er gaman að heyra hversu mikill áhugi er á ratleiknum og eins og gengur er fólk mismunandi duglegt við að finna merkin. Ég var að fá fréttir af því að búið væri að færa merkið í Valabóli og nú blasti það við. Það á ALLS EKKI að færa merkin. Þó einhverjum hafi þótt erfitt að finna eitthvert merki þá er leikurinn lagður svona og jafnt á yfir alla að ganga. Það er sjálfsagt að fólk leggi hér inn athugasemdir ef það telur að merki séu ekki staðsett í samræmi við lýsingu en alls ekki að fólk færi merkin úr stað.

Nú er veðrið búið að vera svo gott í sumar að mörgum bregður við í rigningunni. Ég var á gangi í Hrútagjá og við Markhelluhól á laugardaginn í grenjandi rigningu og vindi og það var alveg dásamlegt! Það var ágrynni af berjum, mest krækiberjum en einnig mikið af stórum bláberjum. Takið endilega með ykkur ílát og tínur ef þið sækist eftir krækiberjunum sem mér finnst reyndar bestu berin og best ef þau eru borðuð á staðnum.

Ratleikurinn vinsæll

Greinilegt er að ratleikurinn nýtur mikilla vinsælda enda hefur veðurfar verið með afbrigðum gott í sumar fyrir útiveru. Öll merki eiga að vera á sínum stað, nýtt merki var sett í Óttarstaðaborgina í gærkvöldi en þar hafði merkið verið ítrekað fjarlægt.

Það er gaman að heyra að fólk notar mismunandi atferðir við leit að merkjunum en engu skiptir hvernig fólk fer að, mikilvægast er að fólk gangi í bæjarlandinu og kynnist þeim ævintýraheim sem þar leynist. Nú er berjaspretta góð víða hægt að finna bæði krækiber og bláber og sumsstaðar eru berin orðin stór og safarík og gott að svala sér á safaríkjum berjum í gönguferðinni.

Enn er nægur tími til stefnu, hægt er að skila inn lausnum til 21. september og þátttakendur eru eindregið hvattir til að skila inn lausnum og vera með í úrdrætti um vegleg verðlaun.

Eins eru þátttakendur hvattir til að tjá skoðanir sínar á ratleiknum og umhverfinu hér á síðunni. Það má gera við athugasemdir við bloggfærslur eða með skráningu í gestabókina. Ath. bloggkerfið sýnir ekki hér til vinstri nýjustu athugasemdir ef bloggfærslan sem skráð er við er eldri en 20 daga. Athugasemdir og ábendingar við ákveðin númer skráist við viðkomandi bloggfærslu en til að skoða athugasemdirnar þarf að fara í viðkomandi færslur enda færslur við merkin 27 orðnar meira en 28 daga gamlar.

Gott veður fyrir gönguferðir.

Nú er aldeilis gott veður fyrir gönguferðir og öll merki eiga að vera á sínum stað. Látið endilega vita hvernig gengur.

Gangi ykkur vel, kv. Guðni

Horfin merki

Þrjú ratleiksmerki við sjávarsíðuna næst bænum hafa verið fjarlægð, merki 18, 19 og 20. Búið er að útbúa ný merki og verða þau sett á sinn stað á morgun miðvikudag. (málningin er að þorna).

Látið endilega vita um horfin ratleiksmerki, helst við viðkomandi stað hér á síðunni eða til þjónustuvers Hafnarfjarðarbæjar.

Ratleikurinn farinn af stað - nýtt loftmyndakort

Þá er ratleikurinn hafinn og fjölmargir hafa þegar sótt kort og eru farnir út í náttúruna í leit að merkjum.

Í ár er notast við nýtt loftmyndakort sem gefur mjög góða mynd af náttúrunni eins og hún er og ætti kortið að nýtast í allri útivist í umhverfi Hafnarfjarðar. Reynsla þessa árs verður notuð til að gera enn betra kort á næsta ári og eru allar ábendingar því vel þegnar.

Allar ábendingar og fyrirspurnir við punktana er best að gera við viðkomandi færslu hér að neðan svo allir njóti góðs af. Þeir sem geta bætt við fróðleik um viðkomandi staði geri það endilega þar líka. Strax er rétt að geta að punktur 27 er SA við Stak eins og merkið sýnir en ekki NA við hann.

Ég óska ykkur góðrar skemmtunar og góðrar útivistar.

Guðni Gíslason.

1 Gráhella - rétt við minningarskjöld

Skógrækt hófst í Gráhelluhrauni 27. maí 1947 en þar hafði verið girt af 7 ha spilda. Ingvar Gunnarsson, þáv. formaður Skógræktarfélags Hafnarfjarðar plantaði fyrstu plöntunni og stendur sú björk ennþá og hefur þar verið settur upp minningarskjöldur. Guðmundur Þórarinsson, kennari, var duglegur að planta og hann plantaði fjölmörgum furum í Gráhelluhraunið og hefur verið settur upp minningarskjöldur á stóran stein við Guðmundarlund.

2 Trjásýnilundur - við stórt tré

Á 50 ára afmæli Skógræktarfélags Hafnarfjarðar var vígður nýr trjásýnilundur. Þessi lundur hefur stækkað til muna og geymir nú ýmsar fágætar trjáplöntur sem jafnvel finnast ekki annars staðar á landinu. Sumar hafa verið gefnar og aðrar hafa verið ræktaðar upp af fræjum fengnum á fræðsluferðum erlendis. Þar má m.a. finna baunatré.

3 Skógrækt - í stekk

Efst á Beitarhúsahálsi, á svæði Skógræktarfélagsins eru leifar af kví sem síðast var notuð frá bænum Ási en líklega áður frá Ófriðarstöðum (Jófríðarstöðum). Í kvíum voru fráfæruær mjaltaðar fram á miðja 19. öld er slíku var að mestu hætt á Reykjanesi. Kvíin er fremur lítil, en hleðslurnar sjást vel frá göngustíg um skógræktarsvæðið.

4 Bláberjahryggur - við stóran stein

Norðan Vatnslíðar og suðaustan Ásfjalls er misgengi sem nefnist Bláberjahryggur og sagt er að hryggurinn hafi verið blár af berjum á haustin. Byggðin teygir sig nú nálægt hryggnum og lúpína hylur stóran hluta hans. Væntanlegur Ofanbyggðavegur mun liggja á þessum slóðum og þar eru nú tvær háspennulínur.

5 Vatnshlíð - við vörðu

Vatnshlíð er ofan Hvaleyrarvatns, að miklu leyti vaxin lúpínu og kjarri. Þar er útsýni fagurt og verðugt að virða fyrir sér framkvæmdir vestan hennar. Fyrstu lúpínunum í landi Hafnarfjarðar var plantað í hlíðum Vatnshlíðar, norðan Hvaleyrarvatns um 1960 og þar uxu upp bláar blómabreiður sem nú má sjá víða í bæjarlandinu.

6 Selhraun - bak við stein austan við trönur

Fiskþurrkun á trönum er enn stunduð í hraununum snemmsumars. Nú er mest þurrkað af hausum og beinagörðum fiska sem hafa verið flakaðir en í þeim leynast enn mikil næringarefni. Í Hafnarfirði var fiskur áður þurrkaður á fiskreitum, þá að jafnaði útflattur. Á fisktrönum var fiskurinn hengdur upp og búin til skreið sem var eftirsótt, sérstaklega í ýmsum Afríkuríkjum.